"Real" himoyachisi Rafayel Varan jamoadoshi Karim Benzema Fransiya terma jamoasiga chaqirilmayotgani haqida gapirdi.
«Men haqiqatan ham ushbu voqeaning barcha ishtirokchilari bilan shaxsiy munosabatlarga egaman, ammo mening pozisiyam oddiy: Faqatgina chetdan kuzatish. Bu haqda gapirishim shart emas va mening vazifamga ham kirmaydi.
Men barcha murabbiylarim va jamoadoshlarim bilan yaxshi munosabatda bo‘laman va bu eng muhim narsa. Karim va terma jamoa haqida gapirishni xohlamayman. Biz ko‘p yillardan buyon bitta klubda o‘ynayapmiz, birgalikda to‘rt marta Chempionlar Ligasida g‘olib chiqdik. Dide Desham bilan sakkiz yildan buyon ishlaymiz. Shuning uchun bu haqida fikr bildirishga ojizman.
Benzema astoydil mehnat qiladi va o‘sishda davom etmoqda. U jismonan yaxshi tayyorlangan, maydonda ham ajoyib o‘yin ko‘rsatadi. Uning o‘yinini tomosha qilish menga zavq bag‘ishlaydi», - dedi Varan.
