"Реал" ҳимоячиси Рафаел Варан жамоадоши Карим Бензема Франсия терма жамоасига чақирилмаётгани ҳақида гапирди.

«Мен ҳақиқатан ҳам ушбу воқеанинг барча иштирокчилари билан шахсий муносабатларга эгаман, аммо менинг позициям оддий: Фақатгина четдан кузатиш. Бу ҳақда гапиришим шарт эмас ва менинг вазифамга ҳам кирмайди.

Мен барча мураббийларим ва жамоадошларим билан яхши муносабатда бўламан ва бу энг муҳим нарса. Карим ва терма жамоа ҳақида гапиришни хоҳламайман. Биз кўп йиллардан буён битта клубда ўйнаяпмиз, биргаликда тўрт марта Чемпионлар Лигасида ғолиб чиқдик. Диде Дешам билан саккиз йилдан буён ишлаймиз. Шунинг учун бу ҳақида фикр билдиришга ожизман.
Бензема астойдил меҳнат қилади ва ўсишда давом этмоқда. У жисмонан яхши тайёрланган, майдонда ҳам ажойиб ўйин кўрсатади. Унинг ўйинини томоша қилиш менга завқ бағишлайди», - деди Варан.