Milanliklar «Udineze» yarimhimoyachisi Rodrigo de Paulni qo‘lga kiritish uchun qaytadan urinib ko‘radi.
Calciomercato xabariga ko‘ra, «neradzurrilar» argentinalik futbolchi uchun yana taklif bilan chiqqan. Konte uni Eriksenga o‘rinbosar sifatida ko‘rmoqda.
Rodrigoning o‘zi ham faoliyatini YECHLda harakat qiladigan jamoada davom ettirishni xohlaydi. «Udineze» futbolchisini hozircha 35 millionga baholamoqda.
De Paulga shuningdek «Zenit», «Lids», «Fiorentina» va «Liverpul» klublari ham qiziqish bildirgan.