Yevropa mintaqasida JCH—2022 saralashi 2-turi doirasidagi bir qator uchrashuvlar 28 mart, yakshanba kuni bo‘lib o‘tdi.

Angliya terma jamoasi Albaniya maydoniga safar qildi. Uchrashuv taqdirini Harri Keyn (38-daqiqa) va Meyson Maunt (63-daqiqa) tomonidan kiritilgan gollar hal qildi.

Ortda qolgan ikki turdan keyin "I" guruhida inglizlar 1-o‘rinda bormoqda. Albaniya esa 2-pog‘onani band etgan.

Yana bir o‘yinda Gruziya Ispaniya terma jamoasini mehmon qildi. Birinchi bo‘limning so‘ngida Xvicha Kvarasxeliya mezbonlarni hisobda oldinga olib chiqdi. 56-daqiqada esa Ferran Torres o‘z nomiga gol yozdirib, muvozanatni tikladi. Hakam tomonidan qo‘shib berilgan daqiqalarda esa Dani Olmo ispanlarga g‘alaba keltirgan golga mualliflik qildi.

2-turdan keyin Ispaniya 4-ochko bilan "B" guruhi peshqadamiga aylangan bo‘lsa, 1 ta o‘yin o‘tkazgan Gruziya so‘nggi o‘rinda bormoqda.

"F" guruhidan o‘rin olgan o‘yinda Daniya Moldova darvozasiga javobsiz 8 ta gol urdi.

JCH—2022 saralash bosqichi, 2-tur
28 mart, yakshanba
Albaniya — Angliya 0:2
Gollar: 0:1 – 38 Keyn, 0:2 – 63 Maunt.
Albaniya: Berisha, Hyusay, Ismayli, Veseli, Memola (Gyasula, 59), Lyachi (Ramadani, 89), Bare (Memushay, 71), Uzuni, Gimshiti, Sikaleshi (Manay, 59), Broya (Lenyani, 59).
Angliya: Poup, Maguayr, Shou, Stounz, Uoker, Rays, Fillips (Uord-Prouz, 71), Foden (Lingard, 81), Maunt, Sterling, Keyn.
Ogohlantirishlar: Bare (21), Uoker (69), Keyn (73), Hyusay (79), Gyasula (89).

Gruziya — Ispaniya 1:2
Gollar: 1:0 – 43 Kvarasxeliya, 1:1 – 56 Ferran Torres, 1:2 – 90+3 Olmo.
Gruziya: Loriya, Dvali, Giorbelidze, Kakabadze (Chabradze, 79), Kashiya, Lobjanidze (Shengeliya, 70), Kvarasxeliya (Kvekveskiri, 79), Kiteyshvili (Beridze, 71), Kankava, Gviliya, Zivzivadze (Kvilitaya, 62).
Ispaniya: Unai Simon, Porro (Lyorente, 65), Erik Garsiya, Lyorente (Martines, 46), Alba, Pedri, Fabian Ruis (Tiago Alkantara, 55), Ferran Torres, Buskets (Oyarsabal, 73), Hil (Olmo, 46), Morata.
Ogohlantirishlar: Lyorente (6), Porro (13), Zivzivadze (18).

Daniya – Moldova 8:0
Gollar: 1:0 – 19, penalti Dolberg, 2:0 – 21 Damsgor, 3:0 – 29 Damsgor, 4:0 – 35 Larsen, 5:0 – 38 Yensen, 6:0 – 48 Dolberg, 7:0 – 81 Skov, 8:0 – 89 Ingvartsen.

Armaniston – Islandiya 2:0
Gollar: 1:0 – 53 Barsegyan, 2:0 – 74 Bayramyan.