Angliya Premyer-ligasi koronavirusga qarshi test sinovlarining navbatdagi turini (22-28 mart kunlari) e’lon qildi.
Bu safar 2210 kishi, shu jumladan futbolchilar va klub xodimlari koronavirus infeksiyasi sinovidan o‘tkazildi. Bular ichidan faqat bitta musbat holat kuzatildi, bu butun 2020/2021 yilgi mavsumdagi eng past ko‘rsatkich hisoblanadi.
Virus bilan kasallangan bemorning daxlsizligini saqlash maqsadida uning shaxsi sir saqlangan. U belgilangan muddatga karantinga olingan.