«Napoli» jamoa bosh murabbiyi Jennaro Gattuzoning o‘rnini egallashi mumkin bo‘lgan uch nafar murabbiyning nomzodini o‘rganib chiqmoqda. Bu haqda Football Italia xabar tarqatdi.
Demak, neapolliklar ishsiz bo‘lgan Maurisio Sarri va «Lasio» ustozi Simone Indzagiga qiziqish bildirishmoqda. Biroq bu ikki mutaxassis «Napoli» YECHL yo‘llanmasini qo‘lga kiritgan taqdirdagina muzokara o‘tkazishadi.
Yana bir nomzod «Roma» bosh murabbiyi Paulu Fonsekadir. Hozircha portugaliyalik mutaxassisning Rimdagi kelajagi so‘roq ostida turibdi.
Gattuzoning «Napoli» bilan shartnomasi mavsum oxirida nihoyasiga yetadi. U bilan shartnomani uzaytirilmaydi. So‘nggi xabarlarga ko‘ra, Gattuzo «Fiorentina»ni boshqarishi mumkin.
