«Наполи» жамоа бош мураббийи Женнаро Гаттузонинг ўрнини эгаллаши мумкин бўлган уч нафар мураббийнинг номзодини ўрганиб чиқмоқда. Бу ҳақда Football Italia хабар тарқатди.
Демак, неаполликлар ишсиз бўлган Маурицио Сарри ва «Лацио» устози Симоне Индзагига қизиқиш билдиришмоқда. Бироқ бу икки мутахассис «Наполи» ЕЧЛ йўлланмасини қўлга киритган тақдирдагина музокара ўтказишади.
Яна бир номзод «Рома» бош мураббийи Паулу Фонсекадир. Ҳозирча португалиялик мутахассиснинг Римдаги келажаги сўроқ остида турибди.
Гаттузонинг «Наполи» билан шартномаси мавсум охирида ниҳоясига етади. У билан шартномани узайтирилмайди. Сўнгги хабарларга кўра, Гаттузо «Фиорентина»ни бошқариши мумкин.
