«Kristal Pelas» Frenk Lempardni jamoaga taklif etmoqchi.
«Kristal Pelas» rahbariyati 73 yoshli bosh murabbiy Roye Xodjson bilan shartnomani uzaytirmoqchi emas va uning o‘rniga o‘rinbosar izlamoqda.
Ushbu lavozimga da’vogarlar ro‘yxatiga «Chelsi»ning sobiq bosh murabbiyi Frenk Lempard va «Roma» ustozi Paulu Fonsekalar kiritilgan.
Angliyalik murabbiy hozirda ishsiz Portugaliyalik mutaxassis esa Italiyada qolish-qolmasligini hali bilmaydi, chunki uning xizmatiga Yevropaning bir nechta klublari qiziqish bildirmoqda.
Yuqorida aytib o‘tilgan mutaxassislardan tashqari London klubi rahbariyati «Byornli»dan Shon Daych yoki «Suonsi»dan Stiv Kuperni taklif qilish variantini ko‘rib chiqmoqdalar.
Ma’lumot uchun, joriy mavsumda «Kristal Pelac» 29 turdan so‘ng, 37 ochko jamg‘arib, APL turnir jadvalida 12 o‘rinni egallab turibdi.
