"Sautgempton" jamoasi yozgi transferlar oynasida "Manchester Yunayted"ning yosh iqtidor egasi Brandon Uilyamsni ijaraga olishni xohlamoqda, deya xabar bermoqda The Sun nashri.
Xabarlarga qaraganda, APL klubi qishki transferlar oynasida ham Uilyamsga qiziqish bildirgan, ammo Sulsher o‘z futbolchisini qo‘yib yuborishni xohlamagan.
Ralf Xazenxyuttlning diqqatini tortayotgan jihat Brandonning himoyaning ikki qanotida ham erkin harakatlana olishidir.
Eslatib o‘tamiz, 20 yoshli futbolchi ushbu mavsum "qizil iblsilar" safida umumiy 8 ta uchrashuvda maydonga tushgan.
