«Yuventus» "Man Siti" hujumchisi Serxio Agueroga ikki yillik shartnoma taklif qildi - deya xabar tarqatadi El Chiringuito.
Biroq ehtimoliy bitimning to‘liq shartlari hali ochiqlanmadi. Eslatib o‘tamiz, Agueroning «shaharliklar» bilan amaldagi kelishuvi o‘z nihoyasiga yetmoqda. Tomonlar o‘zaro hamkorlikni uzaytirmaslikka qaror qilishgan. Kelayotgan yozda Serxio erkin agentga aylanadi.
Shuni qo‘shimcha qilish kerakki, «Yuventus» dan tashqari Aguero uchun «Barselona» ham da’vogarlik qilmoqda. Bir kun oldin futbolchining agenti Kataloniya klubi rahbarlari bilan uchrashib, mijozini «Kamp Nou» ga ko‘chirishi mumkinligi haqida xabarlar tarqalgan edi.
