Italiya chempionatining 31-turi doirasida «Milan» o‘z maydonida «Jenoa»ni qabul qilib, qiyin g‘alabani qo‘lga kiritdi.

Bahsning 13-daqiqasida Ante Rebich hisobni ochgan bo‘lsa, taym tugashiga 8 daqiqa qolganida Destro hisobni tenglashtirdi.

Ikkinchi bo‘lim o‘rtalarida esa "rossoneri" burchak to‘pini o‘yinga kiritgan paytda Manjukich bosh bilan zarba berdi. To‘p esa Skamakkaga tegib, to‘rga borib tushdi.

"Jenoa" hujumchisi Eldor Shomurodov 74-daqiqada zaxiradan tushirildi. Ammo u jamoasini mag‘lubiyatdan qutqara olmadi.

Italiya chempionati, 31-tur
Milan – Jenoa 2:1 (1:1, 1:0)
Gollar: 1:0 – 13 Rebich, 1:1 – 37 Destro, 2:1 – 68, avtogol Skamakka.
Milan – Donnarumma, Kyer, Teo, Tomori, Kalulu (Diogu Dalot, 62), Salemakers (Braim Dias, 63), Bennaser (Tonali, 74), Chalxanoglu (Krunich, 88), Kessie, Rebich, Rafael Leau (Manjukich, 63).
Jenoa – Perin, Gilyone (Biraski, 57), Masyello, Goldaniga, Strotman (Bexrami, 83), Radovanovich, Zays, Badel, Kassata (Pandev, 74), Destro (Pyasa, 57), Skamakka (Shomurodov, 74).
Ogohlantirishlar: Goldaniga (26).