Италия чемпионатининг 31-тури доирасида «Милан» ўз майдонида «Женоа»ни қабул қилиб, қийин ғалабани қўлга киритди.

Баҳснинг 13-дақиқасида Анте Ребич ҳисобни очган бўлса, тайм тугашига 8 дақиқа қолганида Дестро ҳисобни тенглаштирди.

Иккинчи бўлим ўрталарида эса "россонери" бурчак тўпини ўйинга киритган пайтда Манжукич бош билан зарба берди. Тўп эса Скамаккага тегиб, тўрга бориб тушди.

"Женоа" ҳужумчиси Элдор Шомуродов 74-дақиқада захирадан туширилди. Аммо у жамоасини мағлубиятдан қутқара олмади.

Италия чемпионати, 31-тур
Милан – Женоа 2:1 (1:1, 1:0)
Голлар: 1:0 – 13 Ребич, 1:1 – 37 Дестро, 2:1 – 68, автогол Скамакка.
Милан – Доннарумма, Кьер, Тео, Томори, Калулу (Диогу Далот, 62), Салемакерс (Браим Диас, 63), Беннасер (Тонали, 74), Чалханоглу (Крунич, 88), Кессиэ, Ребич, Рафаэл Леау (Манжукич, 63).
Женоа – Перин, Гильоне (Бираски, 57), Масьелло, Гольданига, Стротман (Бехрами, 83), Радованович, Зайц, Бадель, Кассата (Пандев, 74), Дестро (Пьяца, 57), Скамакка (Шомуродов, 74).
Огоҳлантиришлар: Гольданига (26).