Yevropa futbol assosiasiyalari ittifoqi (UEFA) va milliy federasiyalar Yevropa Superligasi tuzilishi mumkinligi to‘g‘risida bayonot berdi, deb xabar berdi Yevropa tashkilotining rasmiy sayti.

- Agar Superliga haqiqatan ham yaratilgan bo‘lsa, unda uning ishtirokchilari UEFA homiyligida o‘tkaziladigan milliy chempionatlaridan va musobaqalaridan chetlashtiriladi.

«Jamiyat hamjihatlikka har qachongidan ham ko‘proq ehtiyoj sezayotgan bir paytda biz bir nechta klublarning shaxsiy manfaatlaridan kelib chiqqan holda ushbu hiyla-nayrangli loyihaning oldini olish bo‘yicha sa’y-harakatlarimiz birlashadi», deyiladi bayonotda.

Xabar qilinishicha, Superliga tashkil etilishi haqida Angliyaning eng yaxshi oltita klubidan beshtasi, shuningdek, Ispaniya va Italiyaning uchtadan klublari e’lon qildi. Bayonot chiqargan klublar qatoriga «Manchester Yunayted», «Liverpul», «Manchester Siti», «Arsenal», «Chelsi», «Tottenxem», «Barselona», «Real», «Atletiko», «Inter», «Milan» va «Yuventus» kiradi. Shu bilan birga, Germaniya va Fransiyaning ikki giganti - «Bavariya» va «PSJ» bundan tiyilishi mumkinligi xabar qilinmoqda.

Superligani Yevropaning eng yaxshi 20 klubi homiyligida birlashtirish uchun yaratilishi mumkin. Bu Chempionlar Ligasi islohotiga javob sifatida amalga oshirilishi ko‘zda tutilgan.