«PSJ» hujumchisi Neymar Yevropa chempionlar ligasi yarim final bosqichi doirasida «Manchester Siti»ga qarshi bo‘ladigan o‘yin arafasida o‘z fikrlari bilan o‘rtoqlashdi.

«Qiyin o‘yin bo‘ladi. Chempionlar ligasining ushbu bosqichida oson uchrashuvlar bo‘lmaydi. «Manchester Siti» — safida ajoyib futbolchilar yig‘ilgan a’lo darajadagi klub. «Bavariya»ga qarshi qiyin bo‘lganidek, bu raqibga qarshi bahslar ham qiyin kechadi. Ammo biz yaxshi tayyorgarlik ko‘rdik va g‘alaba qozonish uchun qo‘ldan kelgan barcha ishni qilamiz.

Men o‘zimni ruhan va jismoniy jihatdan yaxshi his qilyapman. Biz bu to‘qnashuvga tayyormiz. Jamoamning g‘alaba qozonishi va finalga chiqishi uchun qo‘ldan kelgan barcha ishni qilaman.

Bu yerga kelganimdan buyon jamoamiz o‘zgarganini his qildim. Biz Yevropaning eng yaxshi jamoalaridan birimiz. Bizni raqiblarimiz hurmat qilishadi, ketma-ket ikkinchi mavsumda yarim finalga chiqyapmiz. Klub rivojlanishda davom etyapti. Jamoa yanada o‘sishi va ko‘proq sovrin yutishi uchun ishlashda davom etamiz.

«PSJ»ga kelganimda, Chempionlar ligasida g‘olib chiqishni maqsad qilgandim. O‘tgan mavsumda biz ilk marta finalda o‘ynadik. YECHLda g‘olib chiqish uchun bizda barcha xislatlar bor. O‘yinchilar, xodimlar. Biz ko‘p ishlayapmiz, muhit esa ajoyib», — dedi Neymar.

«PSJ» — «Manchester Siti» uchrashuvi 28 aprel kuni bo‘lib o‘tadi.