«Manchester Siti» bosh murabbiyi Pep Gvardiola Chempionlar Ligasi yarim final doirasidagi PSJga qarshi ilk bahsdan oldin o‘z fikrlarini bildirdi.
«Men g‘alaba qozonishni, finalga chiqishni istamayman. Jamoam o‘z futbolini ko‘rsatishini orzu qilaman. Ikkala o‘yinda ham bizga og‘ir bo‘lishini tushunib turibmiz. Raqib o‘yinchilari qanday mahoratga ega ekanliklarini barcha biladi. Lekin, Chempionlar Ligasi yarim finalida yana nimani kutish mumkin? Shu bosimdan va ushbu vaziyatdan rohat olish kerak.
Premyer-liga — eng muhim musobaqa, Chempionlar Ligasi esa eng jozibali turnir hisoblanadi. Hamma o‘yinchilar yaxshi formada, ular tayyor, kayfiyatlari a’lo darajada. Shunday imkoniyatga ega bo‘layotganimizdan minnatdormiz. Bir qancha klublar uchun bu normal, kimdir Chempionlar Ligasini ko‘p marta yutgan, biroq biz uchun hammasi yangilik. Bundan xursandmiz», — dedi Gvardiola.
