«Манчестер Сити» бош мураббийи Пеп Гвардиола Чемпионлар Лигаси ярим финал доирасидаги ПСЖга қарши илк баҳсдан олдин ўз фикрларини билдирди.

«Мен ғалаба қозонишни, финалга чиқишни истамайман. Жамоам ўз футболини кўрсатишини орзу қиламан. Иккала ўйинда ҳам бизга оғир бўлишини тушуниб турибмиз. Рақиб ўйинчилари қандай маҳоратга эга эканликларини барча билади. Лекин, Чемпионлар Лигаси ярим финалида яна нимани кутиш мумкин? Шу босимдан ва ушбу вазиятдан роҳат олиш керак.

Премьер-лига — энг муҳим мусобақа, Чемпионлар Лигаси эса энг жозибали турнир ҳисобланади. Ҳамма ўйинчилар яхши формада, улар тайёр, кайфиятлари аъло даражада. Шундай имкониятга эга бўлаётганимиздан миннатдормиз. Бир қанча клублар учун бу нормал, кимдир Чемпионлар Лигасини кўп марта ютган, бироқ биз учун ҳаммаси янгилик. Бундан хурсандмиз», — деди Гвардиола.