Professional boksning super o‘rta vazn (-76,2 kg) toifasida ringga chiqayotgan o‘zbekistonlik Bektemir Meliqo‘ziyev (7-0, 6 KO) o‘zining navbatdagi jangini 19 iyun kuni o‘tkazadigan bo‘ldi.
Bu haqda Golden Boy promouterlik kompaniyasi ma’lum qildi. Jang AQSHning Texas shtatida bo‘lib o‘tadi.
O‘zbekistonlik bokschiga shu kuni Gabriel Rosado (25-13, 14 KO) raqib bo‘ladi.
35 yoshli amerikalik bokschi faoliyati davomida Charles Uittaker va Gennadiy Golovkin kabi mashhur bokschilar bilan jang qilgan.
Meliqo‘ziyev so‘nggi jangini fevral oyida o‘tkazib, unda Morgan Fitchni (19-5-1, 8 KO) nokaut evaziga taslim etgandi. Rosado esa 2020 yilning noyabrida Deniel Jeykobsga (36-3, 30 KO) yutqazib qo‘ygandi.