“Barselona” hujumchisi Lionel Messi La Liga 33-turi doirasida “Granada”ga qarshi kechgan 29-aprel kungi o‘yinda (1:2) gol urdi.

2021-yilda argentinalik futbolchi katalon klubining 27 ta golida qatnashdi: 19 ta gol va 8 ta golli uzatma. Bu Yevropa top-5 ligalari futbolchilari orasida eng yaxshi natija hisoblanadi.

“Granada” darvozasiga kiritilgan to‘p 33 yoshli futbolchi uchun La Liga joriy mavsumidagi 26-gol bo‘ldi. Messi Primera to‘purarlari poygasida yetakchilik qilmoqda va eng yaqin ta’qibchisi Karim Benzemani (“Real”) 5 ta golga ortda qoldirgan.