Italiya A seriyasining 34-turida «Inter» 1 may, shanba kuni «Krotone» maydonida mehmon bo‘ldi.

Bellashuv mehmonlarning 2:0 hisobdagi g‘alabasi bilan yakunlandi. 69-daqiqada Kristian Eriksen hisobni ochgan bo‘lsa, 90+2-daqiqada Ashraf Hakimiy oradagi farqni oshirgan holda jamoasining ishonchli g‘alabasini ta’minladi.

Mazkur g‘alabadan keyin «Inter»ning ochkolari soni 82 taga yetdi, jamoa musobaqa jadvalida yakka peshqadamlik qilmoqda. Agar «Atalanta» 34-tur doirasida ochko yo‘qotsa, Milan klubi chempionlikni qo‘lga kiritadi. Hisobida 18 ochko bo‘lgan «Krotone» esa so‘nggi pog‘onadan joy olgan.

A seriya, 34-tur
1 may, shanba
«Krotone» — «Inter» 0:2
Gollar: 0:1 – 69 Eriksen, 0:2 – 90+2 Hakimiy
«Krotone»: Kordas, Magalyan, Golemich, Jiji, Retsa (Pedru Pereyra, 38), Benali (Vulich, 66), Chigarini (Eduardo Enrike, 46), Unas (River, 72), Molina, Junior Messias, Nvankvo.
«Inter»: Handanovich, Hakimiy, de Vrey, Bastoni, Darmian (Perishich, 66), Barella, Sensi (Eriksen, 65), Brozovich, Shkrinyar, Martines (Sanches, 65), Lukaku.
Ogohlantirishlar: Brozovich (38), River (73), Eriksen (90).