Италия А сериясининг 34-турида «Интер» 1 май, шанба куни «Кротоне» майдонида меҳмон бўлди.

Беллашув меҳмонларнинг 2:0 ҳисобдаги ғалабаси билан якунланди. 69-дақиқада Кристиан Эриксен ҳисобни очган бўлса, 90+2-дақиқада Ашраф Ҳакимий орадаги фарқни оширган ҳолда жамоасининг ишончли ғалабасини таъминлади.

Мазкур ғалабадан кейин «Интер»нинг очколари сони 82 тага етди, жамоа мусобақа жадвалида якка пешқадамлик қилмоқда. Агар «Аталанта» 34-тур доирасида очко йўқотса, Милан клуби чемпионликни қўлга киритади. Ҳисобида 18 очко бўлган «Кротоне» эса сўнгги поғонадан жой олган.

А серия, 34-тур
1 май, шанба
«Кротоне» — «Интер» 0:2
Голлар: 0:1 – 69 Эриксен, 0:2 – 90+2 Ҳакимий
«Кротоне»: Кордас, Магалян, Големич, Жижи, Рэтса (Педру Перейра, 38), Бенали (Вулич, 66), Чигарини (Эдуардо Энрике, 46), Унас (Ривер, 72), Молина, Junior Мессиас, Нванкво.
«Интер»: Ҳанданович, Ҳакимий, де Врей, Бастони, Дармиан (Перишич, 66), Барелла, Сенси (Эриксен, 65), Брозович, Шкриньяр, Мартинес (Санчес, 65), Лукаку.
Огоҳлантиришлар: Брозович (38), Ривер (73), Эриксен (90).