«Bavariya»ning avstriyalik himoyachisi David Alaba nega Myunxen klubini ushbu mavsum oxirida tark etishga qaror qilganini aytib o‘tdi.
«Muddat tugashi bilan har doim qiyin bo‘ladi. «Bavariya»da o‘zimni uydagidek his qilayotganim sir emas. Men klubdan ko‘z yoshlari bilan chiqib ketaman, ammo shu bilan birga kelajakka umid qilaman.
Men oldinga yangi qadam tashlash uchun shu qarorga keldim. Kuchliroq bo‘lish uchun qulay hududni tark etish, o‘sish uchun noma’lum tomonga qadam tashlash kerak», - deya Alabaning so‘zlarini keltiradi «Bavariya» rasmiy sayti.
Eslatib o‘tamiz, Alaba «Bavariya» bilan shartnomasini uzaytirmaslikka qaror qilgan va shu yil yozda jamoani erkin agent sifatida tark etadi.
