«Бавария»нинг австриялик ҳимоячиси Давид Алаба нега Мюнхен клубини ушбу мавсум охирида тарк этишга қарор қилганини айтиб ўтди.
«Муддат тугаши билан ҳар доим қийин бўлади. «Бавария»да ўзимни уйдагидек ҳис қилаётганим сир эмас. Мен клубдан кўз ёшлари билан чиқиб кетаман, аммо шу билан бирга келажакка умид қиламан.
Мен олдинга янги қадам ташлаш учун шу қарорга келдим. Кучлироқ бўлиш учун қулай ҳудудни тарк этиш, ўсиш учун номаълум томонга қадам ташлаш керак», - дея Алабанинг сўзларини келтиради «Бавария» расмий сайти.
Эслатиб ўтамиз, Алаба «Бавария» билан шартномасини узайтирмасликка қарор қилган ва шу йил ёзда жамоани эркин агент сифатида тарк этади.
