Turinning «Yuventus» klubi forvardi Krishtianu Ronaldu mavsum yakunlangach jamoani tark etishi mumkin. Bu haqda Italiyaning turli manbalari xabar beradi.

Hozirda portugal bor e’tiborini oldinda turgan 4ta bahsga qaratmoqchi. U jamoasini Chempionlar ligasiga olib chiqish uchun barcha salohiyatini ishga soladi.

Agarda mabodo bu amalga oshmay qolsa, Ronaldu kelasi mavsumni boshqa ligada davom ettiradi. Bilasiz, u azaldan xalqaro maydonda o‘ynashni birinchi planga qo‘ygan.

Eslatib o‘tamiz, «Yuventus»ni oldinda «Milan», «Sassuolo», «Inter» hamda «Bolonya»ga qarshi bahslar kutmoqda.