«Vilyarreal» ustozi Unay Emeri Yevropa Ligasi yarim finalining «Arsenal» bilan o‘yinidan keyin o‘z fikrlari bilan bo‘lishdi.
"Finalga chiqqanimizdan faxrlanaman. Chunki «Arsenal» juda yaxshi saviyali jamoa. Bugun qattiq mehnat qildik, xuddi birinchi o‘yinda bo‘lgani kabi va munosib tarzda yurishimizni davom ettiramiz.
O‘yinga jiddiy kirishdik, o‘yinchilarim bir-biriga yordam berishdi. Tan olish kerak, «Arsenal» gol urish uchun qulay imkoniyatlarga ega bo‘ldi.
MYUga qarshi bizni qiyin o‘yin kutayotganini bilaman, ammo biz jarayondan rohatlanyapmiz. Biz ular bilan o‘ynashga loyiqmiz va muxlislarimizga eng yaxshi o‘yinimizni ko‘rsatamiz", — dedi Emeri.
