«Вилярреал» устози Унай Эмери Европа Лигаси ярим финалининг «Арсенал» билан ўйинидан кейин ўз фикрлари билан бўлишди.
"Финалга чиққанимиздан фахрланаман. Чунки «Арсенал» жуда яхши савияли жамоа. Бугун қаттиқ меҳнат қилдик, худди биринчи ўйинда бўлгани каби ва муносиб тарзда юришимизни давом эттирамиз.
Ўйинга жиддий киришдик, ўйинчиларим бир-бирига ёрдам беришди. Тан олиш керак, «Арсенал» гол уриш учун қулай имкониятларга эга бўлди.
МЮга қарши бизни қийин ўйин кутаётганини биламан, аммо биз жараёндан роҳатланяпмиз. Биз улар билан ўйнашга лойиқмиз ва мухлисларимизга энг яхши ўйинимизни кўрсатамиз", — деди Эмери.
