Premyer-liga Angliya klublarining UYEFA musobaqasidagi yutuqlari evaziga UYEFA koeffisiyentlar jadvalida birinchi o‘ringa chiqib oldi.

9 yil ichida birinchi marta Angliya Premyer-ligasi La Ligani ortda qoldirib, jadvalning birinchi qatoriga ko‘tariladi.

Bunga qadar, Premyer-liga 2007/08 yilgi mavsumdan 2011/12 yilgi mavsumgacha birinchi o‘rinda borayotgan edi. Angliya klublari UYEFAning Yevropa musobaqalaridagi so‘nggi besh mavsumdan uchtasida ispanlardan ustun keldi va koeffisiyentlar jadvalida dastlab, La Liga bilan farqni qisqartirdi so‘ngra esa, birinchi o‘ringa chiqib oldi.

Bundan tashqari, Premyer-liga Angliyaning uchta klubi Chempionlar Ligasi va Yevropa Ligasi finaliga yo‘l olganidan so‘ng, La Liganing koeffisiyentlar jadvalida eng ko‘p ochko to‘plash bo‘yicha rekordini yangiladi.

2015/16 yilgi mavsumda «Real» Chempionlar Ligasida, «Sevilya» esa Yevropa Ligasida g‘olib chiqdi. Shundan so‘ng, Ispaniya klublari reytingda 23,928 ochko to‘plashdi. Angliya klublari esa joriy mavsumda xuddi shunday ko‘rsatkichga ega bo‘lib turishibdi. Chempionlar Ligasi va Yevropa Ligasi final o‘yinlari o‘tkazilgandan so‘ng, Premyer-liga klublari tabiiyki yangi rekord o‘rnatadilar.