"Barselona"ning sobiq o‘yinchisi Samuel Eto'o jamoa yetakchisi Messi haqida fikr bildirdi. 

"Messi kattalar va yoshlar jamoalari o‘rtasidagi balansni to‘g‘ri ushlay oldi. Shuning uchun uning keyin moslashib ketishi silliq kechdi. Biz o‘sha paytdayoq yosh Leodan hozirgi natijalarni taxmin qilgan edik.

Barchasi qattiq qilingan mehnat samarasi albatta. Men u bilan aka-ukadek munosabatda bo‘lganman va hozir ham.

Leo menga har mashg‘ulot oxirida rahmat aytardi. Qaysidir maslahatlarim foyda berganidan xursandman.

U menga ko‘proq  insoniy tomonlama yoqadi. Messining qadrli do‘stlaridan biri ekanligimdan faxrlanaman", - deydi Eto'o.