Ispaniya terma jamoasi futbolchisi Lamin Yamalning qiz do‘sti Ines Garsiya mundial finalining tanaffus vaqtida bo‘lib o‘tadigan shou dasturi e’lon qilinganidan so‘ng, futbolchiga emosional tarzda murojaat qildi.
«Mening sevgilim, finalga chiqish uchun hamma narsani qil. Meni eshityapsanmi? Hamma narsani», — deb yozdi Garsiya va qo‘shiqchi Jastin Biberning chiqishi haqidagi anons e’lonini ilova qildi.
Avvalroq, mundialning hal qiluvchi bahsi tanaffusida Jastin Biber, Shakira va bir qator boshqa mashhur yulduzlar chiqish qilishi ma’lum bo‘lgandi.
Ispaniya terma jamoasi chempionlik uchun kurashni davom ettirmoqda. Chorak finalda jamoa Belgiya bilan to‘qnash keladi, yarim finalda esa ispanlarni Fransiya – Marokash juftligi g‘olibi kutadi. Turnirning final uchrashuvi 19 iyul kuni bo‘lib o‘tadi.
