Испания терма жамоаси футболчиси Ламин Ямалнинг қиз дўсти Инес Гарсия мундиал финалининг танаффус вақтида бўлиб ўтадиган шоу дастури эълон қилинганидан сўнг, футболчига эмоционал тарзда мурожаат қилди.
«Менинг севгилим, финалга чиқиш учун ҳамма нарсани қил. Мени эшитяпсанми? Ҳамма нарсани», — деб ёзди Гарсия ва қўшиқчи Жастин Бибернинг чиқиши ҳақидаги анонс эълонини илова қилди.
Аввалроқ, мундиалнинг ҳал қилувчи баҳси танаффусида Жастин Бибер, Шакира ва бир қатор бошқа машҳур юлдузлар чиқиш қилиши маълум бўлганди.
Испания терма жамоаси чемпионлик учун курашни давом эттирмоқда. Чорак финалда жамоа Бельгия билан тўқнаш келади, ярим финалда эса испанларни Франция – Марокаш жуфтлиги ғолиби кутади. Турнирнинг финал учрашуви 19 июль куни бўлиб ўтади.
