"Барселона"нинг собиқ ўйинчиси Самуэль Это'о жамоа етакчиси Месси ҳақида фикр билдирди.
"Месси катталар ва ёшлар жамоалари ўртасидаги балансни тўғри ушлай олди. Шунинг учун унинг кейин мослашиб кетиши силлиқ кечди. Биз ўша пайтдаёқ ёш Леодан ҳозирги натижаларни тахмин қилган эдик.
Барчаси қаттиқ қилинган меҳнат самараси албатта. Мен у билан ака-укадек муносабатда бўлганман ва ҳозир ҳам.
Лео менга ҳар машғулот охирида раҳмат айтарди. Қайсидир маслаҳатларим фойда берганидан хурсандман.
У менга кўпроқ инсоний томонлама ёқади. Мессининг қадрли дўстларидан бири эканлигимдан фахрланаман", - дейди Это'о.
