«Barselona» yarim himoyachisi Serxio Buskets La Liga 36-turidan o‘rin olgan «Levante»ga qarshi o‘yindan (3:3) keyin o‘z fikrlarini bildirdi.
"Yomon kayfiyatdamiz. Qiyin davrga duch kelyapmiz. O‘yinni yaxshi boshladik, ustunlikni qo‘lga oldik, ammo mavsumning eng muhim qismida bir qancha xatolarimiz orqali ikkita oddiy golni qo‘yib yubordik. Bu biz uchun La Ligada chempion bo‘lishimiz uchun imkoniyat qolmaganini bildiradi.
Hozirgi holatimiz uchun o‘zimizni ayblashimiz kerak. Diqqatni yo‘qotdik va sovrin uchun kurashishga imkon beradigan ko‘p ochkolarni boy berdik", — dedi Buskets.
