Kataloniyaning «Barselona» klubi yetakchisi va asosiy yulduzi Lionel Messi «ko‘k-anorranglilar» bilan shartnomasini uzaytirishi mumkin. Bu haqda Diario Sport xabar bermoqda.

Manbaning xabar berishicha, Kataloniya klubi prezidenti Xuan Laporta futbolchining otasi Xorxe Messi bilan muzokaralar olib borgan.

Shu o‘rinda, tomonlar o‘rtasidagi aloqa ijobiydir. Argentinalik futbolchi yangi rahbariyat tomonidan taklif qilingan shartlardan qoniqqan.

Lionelning Kataloniya grandi bilan amaldagi shartnomasi 2021 yilning yozida yakuniga yetadi.

Qayd etish mumkin, ushbu mavsumda Messi «Barsa» bilan 34 uchrashuvda maydonga tushib, 29 gol urgan va 9 golga uzatma amalga oshirgan.