Каталониянинг «Барселона» клуби етакчиси ва асосий юлдузи Лионель Месси «кўк-анорранглилар» билан шартномасини узайтириши мумкин. Бу ҳақда Diario Sport хабар бермоқда.
Манбанинг хабар беришича, Каталония клуби президенти Xуан Лапорта футболчининг отаси Хорхе Месси билан музокаралар олиб борган.
Шу ўринда, томонлар ўртасидаги алоқа ижобийдир. Аргентиналик футболчи янги раҳбарият томонидан таклиф қилинган шартлардан қониққан.
Лионелнинг Каталония гранди билан амалдаги шартномаси 2021 йилнинг ёзида якунига етади.
Қайд этиш мумкин, ушбу мавсумда Месси «Барса» билан 34 учрашувда майдонга тушиб, 29 гол урган ва 9 голга узатма амалга оширган.
