«Atalanta» bosh murabbiyi Jan Pero Gasperini «Jenoa» ustidan qozonilgan g‘alaba (4:3) haqida fikr bildirdi.
«Biz ketma-ket uchinchi yil Chempionlar Ligasiga yo‘l olishimizga ishonish qiyin edi, ayniqsa raqobat nihoyatda yuqori bo‘lgan ushbu mavsumda.
«Jenoa» ustidan g‘alaba qozonishimizni kutganmidik? Futbol g‘alati sport turi. Uchrashuvni mukammal boshlagan va ustunlik qilgan jamoa uchun yakun butunlay boshqacha bo‘lishi mumkin.
Biz yaxshiroq edik, ammo «Jenoa» o‘yinga qaytgani taxsinga sazovar. Qaysidir ma’noda, bugungi o‘yinning natijasidan noroziligimiz borligi yaxshi, chunki keyingi o‘yinlarda xatolarni tahlil qilamiz va ularning oldini olishga harakat qilamiz ", - deydi Gasperini.
