"Yuventus" bosh murabbiyi Andrea Pirlo Italiya chempionatining 37-turida "Inter" ustidan qozonilgan g‘alaba (3:2) haqida fikr bildirdi. Uning ta’kidlashicha, Krishtianu Ronaldu bu safar zahiraga olinganidan xursand.

"Biz mavsumning boshqa uchrashuvlarida har qanday gol uchun kurashish maqsadida bir xil munosabat va istakka ega bo‘lishimiz kerak edi. Agar shunday qilganimizda, hozirda kuchli to‘rtlikdan joy olish uchun kurashmas edik. Oson ko‘rinadigan o‘yinlarda biz juda ko‘p xatolarga yo‘l qo‘ydik. Bu jamoa ko‘p narsaga qodir, bizda ko‘plab yosh futbolchilar bor.

Ammo "Yuventus"da o‘ynash ko‘proq mas’uliyatni anglatadi. Moslashish uchun esa vaqt kerak. Bunchalik ko‘p ochko yo‘qotmasligimiz kerak edi. Ammo bizda yaxshi jamoa bor, oldinga siljishimiz kerak. Ronalduni almashtirish? O‘ylashimcha, u birinchi marta almashtirilganidan xursand edi. Biz ozchilikda o‘ynadik. U buni yaxshi tushundi. Ronaldu mamnunligidan, yechinish xonasida ham jilmayib qo‘ydi", - deydi Pirlo