"Tottenxem" hujumchisi Harri Keyn joriy mavsum oxirida London klubini tark etishi mumkin. Futbolchiga asosiy da’vogarlar - "Manchester Siti" va "Manchester Yunayted".
Britaniya matbuotining yozishicha, "shporlar" qo‘shimcha to‘lov evaziga Keynni almashtirishga rozi bo‘lishadi. Agar "Man Siti" Keynni sotib olsa, "shaharliklar" forvard Gabriel Jezusni London klubiga tavsiya qilishadi. Agar Keyn "Manchester Yunayted" ga o‘tadigan bo‘lsa, unda Antoni Marsial "Tottenxem"ga o‘tadi.
Oldinroq "Tottenxem" Keyn uchun qancha summa so‘rayotgani ma’lum bo‘lgandi.