«Liverpul» sobiq futbolchisi, hozirda «Reynjers» bosh murabbiyi sifatida faoliyat yuritayotgan Stiven Jerrard APL shuhrat zaliga kiritildi.
Angliyalik yarimhimoyachi 17 yoshidan «Liverpul» safida faoliyat boshlab, APL doirasida 504 o‘yinda maydonga tushib, 120ta gol va 92ta assistga mualliflik qilgan.
Stiven Angliya chempionatida 6 marta oyning eng yaxshi futbolchisi deb topilgan. U «Liverpul» safida 6 marta Angliyada sovrin yutgan, biroq APL g‘olibligini qo‘lga kirita olmagan.
Ma’lumot uchun, 40 yoshli futbolchi APL shuhrat zaliga kiritilgan 7-futbolchiga aylandi. Bungacha Alan Shirer, Tyerri Anri, Erik Kantona, Roy Kin, Frenk Lempard va Dennis Bergkamp singari o‘yinchilar bunday sharafga munosib ko‘rilgandilar.
