Sal avvalroq Amerika kubogi musobaqasiga mezbonlik qiluvchi mamlakatlardan biri Kolumbiyada bo‘layotgan tartibsizliklar haqida xabar bergan edik.
Ushbu holatlar davomiyligi saqlanib qolayotganligi sababli Kolumbiya rasman turnirni o‘tkaza olmaydigan bo‘ldi.
Avvaliga musobaqa Kolumbiya va Argentinaning qo‘shma mezbonligida o‘tkazilishi lozim edi. Endilikda bahslar faqatgina Argentinada bo‘ladi.
Bunga sabab Kolumbiyada o‘tkazilayotgan norozilik aksiyalari va mamlakatda koronavirus bilan bog‘liq yuzaga kelgan holatdir.
Hozirda Kolumbiyada soliqlar oshib ketishi yuzasidan noroziliklar o‘tkazilmoqda.
