«Lester» sardori Ues Morgan ushbu mavsum oxirida faoliyatini tugatadi.
Morgan 2012 yilning yanvarida «Nottingem Forest»dan «Lester» tarkibiga kelib qo‘shilgan. Shu vaqt ichida Ues 324 ta o‘yin o‘tkazib, 14 ta gol urgan.
"Tulkilar" bilan Ues Chempionshipdan Premer-ligaga ko‘tarilib, keyinchalik u 2015/16 yilgi mavsumda sensasion tarzda chempion bo‘lgan. O‘tgan dam olish kunlari esa 37 yoshli himoyachi Angliya kubogini boshi uzra ko‘tardi.
Hammasi bo‘lib Morgan o‘z faoliyati davomida 750 dan ortiq uchrashuv o‘tkazgan.
