Madridning «Atletiko» klubi ustozi Diyego Simeone klub tarixidan joy oldi.
Xabaringiz bor, kecha argentinalik mutaxassis boshchiligida «matraschilar» o‘zlarining 11-La Liga chempionligini qo‘lga kiritishdi.
Bu bilan Diyego klub tarixidagi murabbiylar orasida tengsizligini ko‘rsatdi. Gap shundaki, u 10 yil davomida jamoa bilan jami 8 ta titul qo‘lga kiritdi.
Ularning orasida 2 marta Yevropa ligasi, 2 marta La Liga, 2 marta Yevropa superkubogi va bir martadan Ispaniya kubogi va superkubogi sovrinlari mavjud.
«Atletiko» murabbiylari ichida hali hech kim bunday natija qayd etmagan.
