Мадриднинг «Атлетико» клуби устози Диего Симеоне клуб тарихидан жой олди.
Хабарингиз бор, кеча аргентиналик мутахассис бошчилигида «матрасчилар» ўзларининг 11-Ла Лига чемпионлигини қўлга киритишди.
Бу билан Диего клуб тарихидаги мураббийлар орасида тенгсизлигини кўрсатди. Гап шундаки, у 10 йил давомида жамоа билан жами 8 та титул қўлга киритди.
Уларнинг орасида 2 марта Европа лигаси, 2 марта Ла Лига, 2 марта Европа суперкубоги ва бир мартадан Испания кубоги ва суперкубоги совринлари мавжуд.
«Атлетико» мураббийлари ичида ҳали ҳеч ким бундай натижа қайд этмаган.
