«Byornli» va Angliya terma jamoasi darvozaboni Nik Poup tizzasidagi muammolar uchun operasiyaga muhtoj. Ehtimol, u yaqinlashib kelayotgan Yevropa chempionatini ham o‘tkazib yuborishi mumkin.
«Afsuski, Nikka ushbu hafta davomida tizzasidan kichik jarrohlik amaliyoti kerak bo‘ladi. Bu uning uchun ham, biz uchun ham, ehtimol Angliya uchun ham yaxshi holat emas», - deydi «Byornli» ustozi Shon Daych.
2020/2021 yilgi mavsumda Nik Poup «Byornli» tarkibida barcha musobaqalarda 33 uchrashuv o‘tkazib, 38 ta gol o‘tkazib yubordi va 11 o‘yinda o‘z darvozasi daxlsizligini saqlab qoldi.
