Faxriylar ketganidan keyin «qizillar» kimlarning qo‘lida qoladi.

«Bavariya» o‘tmishda ham bugungi kunda ham dunyoning eng kuchli jamoalari qatorida qolmoqda, ammo kelajak so‘roq ostida. Umuman olganda kelajakdan shubhalanish kerakmi? Barcha ko‘rsatkichlarga qaraydigan bo‘lsak, nemis grandi katta potensialga ega bo‘lgan bir nechta iqtidorli futbolchilar bilan shartnoma imzolagan.

Xohlaysizmi-yo‘qmi, Tomas Myuller va Manuel Noyer endi yosh emas, demak, ular yana o‘n yil jamoada qolib, chempion bo‘lishilmaydi. Keling kelajakdagi «Bavariya»da ularning o‘rnini kim egallashini ko‘rib chiqamiz.

Alfonso Devis

Alfonso Devis hech kimga begona emas u allaqachon ikki bor Bundesliga chempionligini qo‘lga kiritgan. U atigi 20 yoshda! U allaqachon o‘z yoshida bunday muvaffaqiyatni hatto orzu ham qilmagan Alabadan o‘tib ketgan. Yaqinda kanadalik futbolchi «Bavariya» bilan shartnomasini 2025 yilgacha uzaytirdi, demak, u Bundesliganing yana ko‘plab sovrinlarini yutish imkoniyatiga ega.

Tezkor Devis jamoaning chap qanotdagi asosiy qurolidir. Ha, himoyada u hali ham ba’zi sheriklari singari ishonchli o‘yin ko‘rsatmaydi, lekin u yosh va o‘sib bormoqda. So‘nggi mavsumda u aynan himoyaga ko‘proq urg‘uni qaratdi. O‘tgan mavsumda hujumda faol bo‘lgani hammaning yodida bo‘lsa kerak.

Jamol Musiala

Doimo tilga olinadigan yana bir iste’dod Jamol Musiala Devisdan ikki yosh kichik. U «Bavariya» tarixidagi eng yosh gol muallifi. Musiala ajoyib imkoniyatlarga ega, yana ko‘plab rekordlarni yangilashga qodir futbolchi.

Yoshiga qaramay, «Shtutgart»dan kelgan yarim himoyachi kelasi mavsumda asosiy tarkib futbolchisiga aylanishga umid qilmoqda. Xansi Flik shunday bo‘lishiga amin, uning fikriga ko‘ra, Musiala bilan kurasha oladigan biron bir himoyachi yo‘q. Germaniyada ko‘p odamlar uning «Volfsburg» darvozasiga urgan mo‘’jizaviy golidan hayratda qolishganini hali ham ta’kidlab kelishmoqda.

Dayo Upamekano

Dayo Upamekano «Bavariya»ga o‘tgan yozda o‘tishi kerak edi, lekin endi u boy berilgan imkoniyatlarini tezda qaytib olishi zarur bo‘ladi. U markaziy himoyachi bo‘lishiga qaramay, yirik gavdasiga nisbatan juda tez harakat qiladi. Uning yordami bilan «RB Leypsig» bu mavsumda Bundesligadagi eng kuchli himoyasi bilan maqtana oldi.

Hujum borasoda «qizillar»da hech qanday muammo yo‘q, ammo himoyani kuchaytirishsa zarar qilmaydi. Daso Upamekano 22 yoshda, ammo u eng yuqori saviyada o‘ynashga qodirligini isbotlab, besh mavsumni Germaniyada o‘tkazdi. Fransiya terma jamoasining a’zosi 20 marta Chempionlar Ligasiga o‘yinlarida ishtirok etishga ulgurdi. Yarim finalda bir marta o‘ynadi. Uning jamoasiga sovrinlar yutishga ozgina qolganda qoqilardi. Endi unda bu bilan muammo bo‘lmasligi kerak. U orzulari ushalishi mumkin bo‘lgan klubga o‘tdi.

Kris Richards

«Bavariya» ning yana bir himoyachisi «Xoffenxaym»da mahoratini «charxlayapti», ammo u Myunxenga asosiy tarkib futbolchisi sifatida qaytishga tayyor. Va bu mavsumda u ham chempionlik medalidan umidvor, umuman olganda ijaraga berilishida oldin chempionat yetakchisi tarkibida o‘ynashga muvaffaq bo‘lgan.

«Xoffenxaym»da Richards asosiy tarkib futbolchisiga aylandi. U Sebastyan Xyoness bilan ishlashni yaxshi ko‘radi, bir vaqtlar unga «Bavariya» yoshlar jamoasida ochilishiga yordam bergan.

Richards AQSH terma jamoasi tarkida harakat qiladi. U termaga qo‘shilgandan keyin birgina uchrashuvni o‘tkazib yuborgan.

Tiago Dantas

Chaqqon, epchil Tiago Dantas Myunxenda yetti marta chempionlik unvonini, to‘rt bor Germaniya kubogini va Chempionlar Ligasi oltin medalini yutgan «Liverpul»dagi adashiga o‘xshab ketadi. Agar hammasi rejaga muvofiq bo‘lsa (Dantas hali ham «Benfika»dan ijarada), u taqqoslashlar asossiz bekorga emasligini isbotlaydi.

Tangi Nyanzu

«Men yetakchi bo‘lishni xohlayman», bu Tangi Nyanzuning 2020 yilda PSJdan «Bavariya» ga o‘tganidan keyin aytgan birinchi gapi. 17 yoshli bolakayning balandparvoz so‘zlari, ammo Tangining so‘zlarini inkor etish mumkin emas, u har doim o‘ziga ishongan.

Ajablanarlisi shundaki, Nyanzu ham chempion bo‘lishi mumkin, chunki u allaqachon «Bavariya» safida maydonga tushgan. U asosiyga chiqish uchun hali yosh, ammo vatandoshi Upamekano yordamida tezda yangi ligaga ko‘nikib, kelajakdagi «Bavariya»ning ajralmas qismiga aylanishiga umid qilmoqda. Bekorga PSJning yordamchi murabbiyi uni «buyuk talant»,deb atamagan.