JCH-2022 va Osiyo kubogi-2023 qo‘shma saralash bosqichiga tayyorgarlik doirasida Tojikiston milliy jamoasi Iroqning Basra shahridagi «Al-Fayxa» stadionida Iroq milliy jamoasiga qarshi o‘rtoqlik uchrashuvi o‘tkazdi.
Yaponiyada o‘tadigan markazlashgan saralash turniri oldidan o‘tkazilgan o‘rtoqlik o‘yinida Tojikiston milliy jamoasi bosh murabbiyi Usmon Toshev «Navbahor» yarimhimoyachisi Ehsoni Panjshanbe va «Bunyodkor» himoyachisi Davronjon Ergashevni asosiy tarkibda maydonga tushirdi.
O‘yin davomida ikki tomonda ham hisobni ochish imkoniyati yuzaga kelgan bo‘lsa-da, Iroq o‘z maydonida qo‘shnilarimizni mag‘lub eta olmadi – 0:0.
Eslatib o‘tamiz, Iroq so‘nggi o‘rtoqlik o‘yinida 29 mart kuni Sherko Karim Latifning yagona goli evaziga Toshkentda O‘zbekiston milliy jamoasini 1:0 hisobida mag‘lub etib qaytgandi.
O‘rtoqlik uchrashuvi. Iroq, Basra.
Iroq – Tojikiston – 0:0
Bosh hakam: O‘
Tojikistan: Rustam Yatimov, Vahdat Xanonov, Davronjon Ergashev, Axtam Nazarov, Manuchehr Safarov, Abdulmo‘min Zabirov (Zoyir Jo‘raboyev, 46), Muhammadjon Rahimov (Nuriddin Hamroqulov, 59), Ehsoni Panjshanbe, Komron Tursunov (Ilhom Barotov, 82), Sheriddin Boboyev, Rustamjon Soirov.
