«Yuventus» hujumchisi Krishtianu Ronaldu Instagramda mavsumni sarhisob qilgani haqida post joylashtirdi.
Ronaldu «Inter»ni munosib chempionlik bilan tabriklab, shu bilan birga u Italiyada o‘z maqsadiga erishganini ta’kidladi.
«Men Italiyaga kelganimdan keyingi birinchi kundanoq o‘z oldimga qo‘ygan maqsadimga erishdim: chempionat, kubok va superkubokni yutish, shuningdek, ajoyib futbol mamlakatida eng yaxshi o‘yinchi va eng yaxshi to‘purar bo‘lish, futbolchilar, gigant klublar va futbol madaniyati bilan tanishish», - deb yozgan Ronaldu.
Ronaldu o‘zining yutuqlari bilan faxrlanishini ta’kidladi. «Hech nimani mening o‘ynagan mamlakatlarda o‘z izimni qoldirganimni va o‘zim vakili bo‘lgan klublar muxlislariga quvonch baxsh etganimni bilish hissi bilan solishtirib bo‘lmaydi», - deya o‘z his-tuyg‘ularini baham ko‘rdi portugaliyalik yulduz.
