«Atletiko» klubi bosh murabbiyi Diyego Simeone Angliya Premyer-ligasini Yevropaning ayni damdagi eng kuchli ligasi deya tan oldi.
«APL klublari – Yevropadagi eng yaxshisi. Angliya chempionati ham juda kuchli liga. Eng avvalo klublar moliyaviy barqarorligi uchun ham bu turnir klublari kuchli. Boshqa ligalarda esa yetakchi klublar soni ko‘p emas - «PSJ», «Bavariya» «Barselona», «Real». Birgina Angliyada «Liverpul», «Manchester Yunayted», «Manchester Siti», «Chelsi» klublari istalgan turnirda g‘oliblikni qo‘lga kirita oladi. Bu chempionatda tengkuchli klublar ko‘p. Chempionlar ligasi yarimfinali va finali ham ingliz klublarining kuchini ko‘rsatib turibdi», - deya Simeonening so‘zlarini keltirmoqda ESPN.
Ma’lumot uchun, «Atletiko» YECHL 1/8 finali ikki o‘yinida ham «Chelsi»ga mag‘lub bo‘lib, turnirni tark etgandi. «Chelsi» 29 may kuni finalda «Manchester Siti»ga qarshi saf tortadi.
