«Атлетико» клуби бош мураббийи Диего Симеоне Англия Премьер-лигасини Европанинг айни дамдаги энг кучли лигаси дея тан олди.

«АПЛ клублари – Европадаги энг яхшиси. Англия чемпионати ҳам жуда кучли лига. Энг аввало клублар молиявий барқарорлиги учун ҳам бу турнир клублари кучли. Бошқа лигаларда эса етакчи клублар сони кўп эмас - «ПСЖ», «Бавария» «Барселона», «Реал». Биргина Англияда «Ливерпуль», «Манчестер Юнайтед», «Манчестер Сити», «Челси» клублари исталган турнирда ғолибликни қўлга кирита олади. Бу чемпионатда тенгкучли клублар кўп. Чемпионлар лигаси яримфинали ва финали ҳам инглиз клубларининг кучини кўрсатиб турибди», - дея Симеоненинг сўзларини келтирмоқда ESPN.

Маълумот учун, «Атлетико» ЕЧЛ 1/8 финали икки ўйинида ҳам «Челси»га мағлуб бўлиб, турнирни тарк этганди. «Челси» 29 май куни финалда «Манчестер Сити»га қарши саф тортади.