O‘zbekiston XXX milliy chempionati PRO-Liga 9-tur uchrashuvini, sevimli “Sho‘rtan” jamoamiz safarda o‘tkazadi. Unda “Oq bo‘rilar” Toshkentning “Oq-tepa” jamoasi mehmoni bo‘lishadi. O‘yin 2021 yilning 29 may kuni Toshkent shahrining “Jar” stadionida soat 17:30 da boshlanadi.

Uzoq tanaffusdan so‘ng, Asror Aliqulov “Sho‘rtan” jamoasiga qaytdi va barcha ishlarni o‘z nazorati ostiga oldi. Endilikda murabbiy butun e’tiborini 9-tur bahsiga qaratgan

Ayni paytda, Sergey Tokov boshchilik qilayotgan  “Oq-tepa” 2000 yil tashkil topgan. O‘tgan yilgi mavsumda bizning jamoamiz bilan ikki marta to‘qnash kelib uchrashuvlar, 6-tur “Oq-tepa” - “Sho‘rtan” (0:1) hamda 13-tur “Sho‘rtan” - “Oq-tepa” (0:1) hisobi bilan yakunlangan. Shundan kelib chiqib, 2021 yilgi mavsumda G‘uzorliklarning kamtarona tarkibi bilan bo‘ladigan mazkur bahs natijasini ko‘ramiz. Bu esa bo‘lajak uchrashuv qiziqarli, keskin va teng qurashlar ostida o‘tishidan dalolat beradi.

Bundan tashqari, “Sho‘rtan” futbol klubining akademiyasida U-18 tarbiyalanuvchilaridan asosiy tarkibga jalb qilingan olti nafar yosh futbolchilar “Oq-tepa” - “Sho‘rtan” uchrashuvida maydonga tushadi  .

“Sho‘rtan” PFK matbuot bo‘limi.