Hujumchi Krishtianu Ronaldu yozgi transfer oynasida "Yuventus" ni tark etishi mumkin.
"PSJ" 36 yoshli hujumchi bilan shartnoma imzolashi mumkin. Ronaldu klub bilan amaldagi shartnomasi 2022 yil yozida tugaydigan hujumchi Kilian Mbappaga o‘rinbosar sifatida ko‘rilmoqda. Fransuz Parijliklar bilan yangi shartnoma imzolamadi.
Hujumchi Mauro Ikardi Ronalduni "PSJ"ga transfer qilish bo‘yicha kelishuvga qo‘shilishi mumkin, ammo hozircha klublar bu borada rasman muzokara olib bormayapti.
Portugaliyalikning "Manchester Yunayted"ga qaytish varianti istisno etilmaydi. "Yuventus" Ronalduni "Manchester Yunayted" yarim himoyachisi Pol Pogbaga almashtirishga tayyor, ammo ingliz klubiga o‘tish uchun hujumchi maoshni kamaytirishga to‘g‘ri keladi.
Bundan tashqari, "Manchester Yunayted" Pogba Italiyaga boradigan bo‘lsa, "Yuventus"dan qo‘shimcha tovon puli to‘lashni so‘rashi mumkin.
Ronaldu Turinda o‘zini baxtli his qilmaydi. Massimiliano Allegrining "Yuventus"ga qaytishi klubdagi futbolchining kelajagiga jiddiy ta’sir ko‘rsatishi mumkin, deb yozadi "Football Italia" sayti "La Gazzetta dello Sport" nashriga asoslanib.
