«Chelsi» himoyachisi Tiago Silva «Manchester Siti»ga qarshi (1:0) Chempionlar ligasi finalidan keyin fikrlari bilan o‘rtoqlashdi.
«Bu faoliyatimdagi eng muhim voqea. Juda ham baxtiyorman. Chempionlar ligasi bosh sovriniga ega chiqish – ulkan yutuq.
Jarohat? O‘yinni erta tark etishga majbur bo‘ldim. Chunki bunday darajadagi bahsda 70% kuch bilan o‘ynab, tavakkal qilib bo‘lmasdi. Jamoam xotirjamlikni saqlab, yakunda g‘olib bo‘lganidan xursandman.
Parijdagi faoliyatimdan keyin bu yutuqning men uchun ahamiyati juda katta. Odatda «PSJ» Chempionlar ligasida mag‘lub bo‘lganidan keyin, hamma aybdorni izlar va doim o‘sha men bo‘lib chiqardim. Bu juda yomon.
Umid qilamanki, «PSJ» ham kelajakda bu turnirda g‘olib bo‘la oladi. Bu jamoada do‘stlarim ko‘p, Parij klubi yuragimdan joy olgan», - deydi 36 yoshli braziliyalik himoyachi RMC Sport nashri bilan suhbatda.
Ma’lumot uchun, Tiago Silva 2012-2020 yillar davomida «PSJ» safida to‘p surgan.